25-26.06.2022-Cİ İL TARİXLƏRİNDƏ “II VƏTƏN MÜHARİBƏSİ” ŞƏHİDİ,
GİZİR ELMƏDDİN CƏFƏROVUN XATİRƏSİNƏ HƏSR OLUNMUŞ
KADETLƏR ARASINDA, SAMBO GÜLƏŞİ ÜZRƏ TURNİR KEÇİRİLMİŞDİR
Turnir 2016-cı il Aprel döyüşlərində və həmçinin 27.09.2020-ci ildə Ali Baş Komandanın əmri ilə torpaqlarımızın işğaldan azad olunması uğrunda başladılan “II Vətən Müharibəsi”ndə iştirak etmiş Elmmədin Cəfərovun xatirəsinə həsr olunmuşdur.
Elməddin Cəfərov 21 sentyabr 1987-ci ildə Xızı rayonunun Şorabad qəsəbəsində dünyaya gəlmiş, 08.10.2020-ci il tarixində Füzuli rayonunun işğaldan azad olunması uğrunda gedən döyüşdə aldığı qəlpə yaralarından, şəhidlik zirvəsinə ucalmışdır.
Ölümündən sonra:
(15.12.2020) — "Vətən uğrunda" medalı
(25.12.2020) — "Xocavəndin azad olunmasına görə" medalı
(25.12.2020) — "Füzulinin azad olunmasına görə" medalı
(24.12.2020) — "Cəbrayılın azad olunmasına görə" medalı
ilə təltif olunmuşdur.
Turnir Azərbaycan Respublikası İdman və Gənclər Nazirliyinin və Azərbaycan Sambo Federasiyasının dəstəyi ilə şəhidin doğulduğu Xızı rayonun Şorabad qəsəbəsində keçirilmişdir.
